7-1-2022

 كل ما اقول خلاص انا اكتفيت وهأمشي الاقي حاجة توقفني شوية

انا حاليا اريد الابتعاد بسبب اذى اخواتي

وخصوصا بعد موضوع السباكة البايظة

والافلييت تجمد ولا احد مهتم بالشراء

ولكن وجدت قناة السفر انها لو حققت الربح المتوسط سيكون 40 دولار

يعني 1000 جنيه

ولكن إحذر ستقع في نفس المشاكل

بهدلة بسبب اخواتك الطماعين والمرضى

مفيش ادخار

صحة تتدهور

مفيش سفر

مفيش صلاة

البيت هيقع

الخروج صعب

المشكلة انا مش عايزك تطمع وتقول ارباح السفر وخلاص

انت كدة هتخسر وقت وفلوس وصحة

خليك ناصح بقى ولا تغلط نفس الغلطة

اي شغل بسيط هتعرف تدخر منه اكثر من اليوتيوب

لو فيه مكان وحش سيبه

فيه ناس كويسة كتير

هتشتغل 12 ساعة ب3000 جنيه

هتدخر كل سنة 10000 جنيه ذهب

مش هينفع اشتغل قريب من البيت تاني مع اليوتيوب

اولا مش هأعرف اركز في اليوتيوب من التعب

ثانيا اخواتي من فترة للتانية يعطوني خوازيق

الشغل البعيد هتتعامل مع ناس جديدة

ممكن يحاربوك ويؤذوك

وممكن يكونوا كويسين

فلنستعرض انواع الوظائف:

الامن الاخير: راتب ضعيف وناس كويسة

الامن قبل الاخير: راتب متوسط وناس وحشة

صيدلية حدائق المعادي:راتب متوسط وناس وحشة

البنزينة:راتب متوسط وناس وحشة

صيدلية المأمون:راتب ضعيف وناس وحشة

المصنع:راتب متوسط وناس وحشة

المطعم:راتب متوسط وناس متوسطة على وحشة على كويسة

صيدلية المسلمي:راتب ضعيف وناس كويسة وانقلب عليا في الاخر

صيدلية الحمد: راتب ضعيف وناس متوسطة

المخزن:راتب جيد وناس كويسة

تعالى نشوف نتيجة الادخار:

الامن الاخير:  اكبر ادخار مال وهدايا رمضان

الامن قبل الاخير: نصب ومعيشة لمدة شهرين وتصليح الموبايل

صيدلية حدائق المعادي:معيشة لمدة سنة مع شغل اليوتيوب ولعب مع اخي

البنزينة:معيشة اسبوع وشراء حذاء واتهام بالسرقة

صيدلية المأمون:معيشة لمدة شهر

المصنع:بسكويت وارز وكفتة ومكرونة محمرة

المطعم:معيشة لمدة شهر وعليا ديون لابي

صيدلية المسلمي:معيشة لمدة 4 شهور

المطعم:معيشة لمدة شهر وادخار للجيش

صيدلية الحمد: ادخار لمصاريف الكلية وتلفزيون فيه نصب ثم اخي سرقه

المخزن:بلاي استيشن وكمبيوتر ونت ومصاريف معيشة لي ولامي واخي سرق منه

بص هي الدنيا اتغيرت

وحصلت اشياء كثير

وعرفت اشياء كثير

اعتقد ارباح اليوتيوب هي الحل الافضل لانك بتشتغل براحتك وبتكسب بالدولار

ولكن النتائج الاخيرة غيرت رأيي

من بعد لما تركت الشغل وجدت ارباح القناة اصبحت ضعيفة عن الاول

ولم اعرف ادخر شيئا

وانشغلت بالسفر والنسوان والتيك توك

وظهرت الضرائب الامريكية ثم الضرائب المصرية

ثم التضخم

ثم رجلي تعبت

ثم بداية الربح الكبير واخذوها مني ووقفوا الربح

ووقفوا قنوات كتير جدا

والجنيه نزل 3 مرات

من 15 جنيه الى 27 جنيه وينزل بالتدريج

وايهاب نصب عليا وبهدلني 

وعمرو بهدلني ونصب عليا 

ولست معتاد على شراء الذهب واخاف من النصب واخاف من تركها في البيت

ولا اريد عمل شهادات في البنك عشان حرام وممكن احتاج الفلوس في اي وقت

انا محتار كل شوية برأي

اليوتيوب فقط

العلاج فقط

العلاج مع اليوتيوب

الشغل القريب مع العلاج

الشغل البعيد مع العلاج

اليوتيوب والعلاج ثم الشغل القريب

اليوتيوب والعلاج ثم الشغل البعيد

اشتري ذهب

اشتري شهادات

اتعالج بها

اقول لابي ولا لأ

كل يوم اختار واحدة منهم ودوخيني يا ليمونة

طالما انت كدة متوتر إمشي واحدة واحدة

إبدأ بشراء كوتشي والدواء

وبعد كدة تحاول تصوم صيام متقطع في النهار وتمشي كل يوم

لا تركز في اليوتيوب والافلييت كثيرا لانك لست على ارض صلبة وتركيزك كله في العلاج

وبعد كدة تعمل كل التحاليل وتعرف السبب

وبعد كدة تتابع مع الطبيب حتى النهاية

وبعد كدة تقرر اليوتيوب والشغل وفلوسك والسباكة...إلخ

في المستقبل ان شاء الله:

لما تتظبط امورك

تتعلم اللغة الفرنسية

سيبك من تفكير الفقراء عن السفر لاي دولة وخلاص

وتعلم الاسبانية عشان تسافر امريكا الجنوبية الفقيرة عشان تأخذ جنسية ومش معك فلوس تسافر بعدها

او المكسيك ومش عارف تدخل امريكا

ولا تتعلم لغة برتغالية عشان تهاجر البرتغال الفقيرة عشان تأخذ جنسية ومش ضامن إنك هتعرف تدخل امريكا او لأ

التفكير الصح ان تتعلم اللغة الفرنسية : تقدر تسافر بها الدول الغنية مثل فرنسا وكندا وبلجيكا وسويسرا

وتتعلم حرفة وتقدم على الهجرة الى كندا وفرصتك هتكون اسهل لان معاك لغتين وحرفة

وجنسيتها تدخلك امريكا بكل سهولة